श्री मावळी मंडळाच्या ७२ व्या राज्यस्तरीय कबड्डी स्पर्धेला शुक्रवारपासून भव्य प्रारंभ शताब्दी वर्ष आणि १०० वी शिवजयंती उत्सवाचे औचित्य

 

श्री मावळी मंडळाच्या ७२ व्या राज्यस्तरीय कबड्डी स्पर्धेला शुक्रवारपासून भव्य प्रारंभ

शताब्दी वर्ष आणि १०० वी शिवजयंती उत्सवाचे औचित्य

 

ठाणे : राज्यातील कबड्डी चाहत्यांसाठी उत्सवाचा माहोल! श्री मावळी मंडळ संस्थेच्या वतीने संस्थेच्या शताब्दी वर्ष आणि १०० व्या शिवजयंती उत्सवाच्या निमित्ताने ७२ वी राज्यस्तरीय पुरुष व महिला गटाची कबड्डी स्पर्धा दिमाखात आयोजित करण्यात आली आहे. ही स्पर्धा २५ एप्रिल ते २९ एप्रिल २०२५ या कालावधीत ठाण्यात रंगणार आहे.

 

उद्घाटन सोहळा :

२५ एप्रिल २०२५, सायं. ७:०० वा. उद्घाटक: खासदार नरेश म्हस्के
विशेष अतिथी: गोपाळ लांडगे (कल्याण जिल्हा प्रमुख), अशोक वैती (माजी महापौर), देवराम भोईर (माजी विरोधी पक्षनेते)

 

समारोप सोहळा :

२९ एप्रिल २०२५, रात्री ९:०० वा. पारितोषिक वितरण: नामदार गणेश नाईक
विशेष उपस्थिती: आमदार संजय केळकर, आमदार निरंजन डावखरे, माजी खासदार डॉ. संजय नाईक

 

१०० संघांचा सहभाग – ऐतिहासिक विक्रम!

शतक महोत्सवी वर्षाचे औचित्य साधून यंदा १०० संघांना प्रवेश देण्यात आला असून, पुरुष गटात ६८ आणि महिला गटात ३२ संघांनी सहभाग घेतला आहे. सर्व सामने बाद पद्धतीने आणि सायंकाळच्या सत्रात खेळवले जाणार आहेत. पुरुषांसाठी ४ व महिलांसाठी २ क्रीडांगणं सज्ज केली आहेत.

 

सन्मानाचा सोहळा :

या वर्षी छत्रपती पुरस्कार, अर्जुन पुरस्कार, दादोजी पुरस्कार व द्रोणाचार्य पुरस्कार प्राप्त खेळाडू व प्रशिक्षकांचा खास सत्कार होणार आहे.

 

स्पर्धक संघांची झलक :

पुरुष गटातील प्रमुख संघ:

स्वस्तिक क्रीडा मंडळ (गतविजेते, मुंबई उपनगर), सतेज संघ बाणेर, श्री शिवाजी उदय मंडळ, बदामी हौद संघ (पुणे), बालमित्र मंडळ (पालघर), टी.आय.पी.एल. क्लब, पनवेल (रायगड), शिव शंकर क्रीडा मंडळ (कल्याण), ग्रीफिन्स जिमखाना (नवी मुंबई), अमर हिंद मंडळ, गुड मॉर्निंग स्पोर्ट्स क्लब (मुंबई शहर)

 

महिला गटातील प्रमुख संघ:

शिवशक्ती स्पोर्ट्स क्लब (धुळे), स्वराज्य स्पोर्ट्स अकॅडेमी (चिपळूण), शिवतेज क्रीडा मंडळ, ओम वर्तक नगर स्पोर्ट्स क्लब (ठाणे), अमर हिंद मंडळ, डॉ. शिरोडकर स्पोर्ट्स क्लब (मुंबई शहर)

 

बक्षीस रकमेची भव्य उधळण :

पुरुष गटात :

विजेता : ₹ १,००,०००/-, उपविजेता : ₹ ७५,०००/-, उपांत्य पराभूत संघ : ₹ २५,०००/- (प्रत्येकी)

 

महिला गटात :

विजेता : ₹ ५५,०००/-, उपविजेता : ₹ ४४,०००/-, उपांत्य पराभूत संघ : ₹ २२,०००/- (प्रत्येकी)

 

प्रेक्षकांसाठी खास सोय :

प्रत्येक सामन्याचा थरार अनुभवण्यासाठी विशेष प्रेक्षक गॅलरी उभारण्यात आली असून, कुटुंबवत्सल वातावरणात कबड्डीप्रेमींना सामने पाहण्याचा मनमुराद आनंद घेता येणार आहे.

 

ही स्पर्धा यशस्वी करण्यासाठी संस्थेचे सर्व पदाधिकारी, सभासद, कार्यकर्ते व खेळाडू जोरदार तयारीत असून, ठाण्यातील क्रीडा वातावरण आणखी उत्साहवर्धक करणारी ही स्पर्धा ठरणार आहे.

 

कबड्डीचा जोश, मावळी मंडळाचा अभिमान – एक ऐतिहासिक पर्व ठाण्यात सज्ज!