अडसूळ ट्रस्ट कॅरम सराव शिबिरात नील, सारा आणि देविका ठरले सर्वोत्तम प्रशिक्षणार्थी

 

अडसूळ ट्रस्ट कॅरम सराव शिबिरात नील, सारा आणि देविका ठरले सर्वोत्तम प्रशिक्षणार्थी

 

मुंबई : माजी केंद्रीय अर्थ राज्यमंत्री आनंदराव अडसूळ यांच्या चॅरिटेबल ट्रस्ट व आयडियल स्पोर्ट्स अकॅडमी यांच्या संयुक्त विद्यमाने महाराष्ट्र-कामगार दिन (१ मे) निमित्त आयोजित करण्यात आलेल्या विनाशुल्क शालेय सुपर लीग कॅरम स्पर्धेपूर्वीच्या सराव शिबिरात उदयोन्मुख खेळाडूंनी चमकदार कामगिरी केली.

 

सराव शिबिरातील सर्वोत्तम प्रशिक्षणार्थी :

नील म्हात्रे, सारा देवन, देविका जोशी

या खेळाडूंनी अंतिम फेरीत उत्कृष्ट खेळाचे प्रदर्शन करत सर्वोत्तम प्रशिक्षणार्थीचा बहुमान पटकावला.

 

मार्गदर्शन लाभले :

शिबिरात देशपातळीवरील वरिष्ठ कॅरम मार्गदर्शकांनी प्रशिक्षणार्थींना बहुमोल मार्गदर्शन दिले.
मार्गदर्शक मंडळी :

सचिन शिंदे, चंद्रकांत करंगुटकर, संतोष जाधव, अविनाश महाडिक व लीलाधर चव्हाण (शिवछत्रपती पुरस्कार विजेते)

 

प्रतिस्पर्धी खेळ आणि निकाल :

सराव शिबिरातील स्पर्धात्मक निर्णायक फेरीत नील म्हात्रे याने सारा देवन हिला ८-४ अशा फरकाने पराभूत करत कौशल्याचे दर्शन घडवले.

 

सुपर लीग कॅरम स्पर्धा – १ ते ४ मे :

ही विशेष शालेय स्पर्धा १ ते ४ मे २०२५ या कालावधीत दादर-पश्चिम येथील को-ऑपरेटिव्ह बँक एम्प्लॉईज युनियन सभागृहात होणार असून स्पर्धा १२ संघांमध्ये साखळी पद्धतीने खेळवली जाणार आहे.

 

प्रमुख संघ आणि सहभाग :

या स्पर्धेत राष्ट्रीय दर्जाच्या सबज्युनियर कॅरमपटूंचा सहभाग असणार असून, खालील प्रमुख संघ सहभागी होणार आहेत:

आनंदराव प्लॅटिनियम, गोविंदराव फायटर्स, कॅप्टन अभिजित, आत्माराम मोरे प्रतिष्ठान, एमडीसी ज्वेलर्स, सिबिईयु वॉरीयर्स, सुमती क्वीन, फेअर प्ले, अविनाश नलावडे स्पोर्ट्स, दिलीप स्ट्रायकर्स, राणे ऑप्टीशीयंस, सुरेश फिनिशर्स

 

विनाशुल्क उपक्रमाचे वैशिष्ट्ये :

स्पर्धा पूर्णतः विनाशुल्क

सर्व सहभागी शालेय खेळाडूंना : टी-शर्ट, स्ट्रायकर, आकर्षक पुरस्कार, तज्ञांचे मोफत मार्गदर्शन

 

सुमती सेवा मंडळाचे क्रीडा प्रमुख प्रमोद पार्टे, क्रीडा शिक्षक प्रॉमिस सैतवडेकर आणि संदीप दळवी यांच्या प्रमुख उपस्थितीत या उपक्रमाचा शुभारंभ झाला.

 

कॅरमच्या पटावर नवोदितांचा झंझावात – अडसूळ ट्रस्टचा स्तुत्य उपक्रम!