रोटरी क्लब ऑफ मुंबई पार्लेश्वर आयोजित ५व्या महाराष्ट्र राज्य मानांकन कॅरम स्पर्धेचे उदघाटन उत्साहात संपन्न

रोटरी क्लब ऑफ मुंबई पार्लेश्वर आयोजित ५व्या महाराष्ट्र राज्य मानांकन कॅरम स्पर्धेचे उदघाटन उत्साहात संपन्न 

उत्कर्ष स्मॉल फायनान्स बँक पुरस्कृत रोटरी क्लब ऑफ मुंबई पार्लेश्वर आयोजित व छत्रपती शिवाजी महाराज स्मारक समिती, जुहू यांच्या सहयोगाने प्रबोधनकार ठाकरे क्रीडा संकुल येथे ५व्या महाराष्ट्र राज्य मानांकन कॅरम स्पर्धेचे उदघाटन उत्साहात पार पडले. या प्रसंगी रोटरी क्लबचे डिस्ट्रिक्ट गव्हर्नर चेतन देसाई, रोटरी क्लब पार्लेश्वर चे अध्यक्ष अविनाश मिश्रा, प्रभोदनकार ठाकरे क्रीडा संकुल चे विश्वस्त मकरंद येदुरकर, उत्कर्ष स्मॉल फायनान्स बँकेचे ईडी प्रमोद दुबे, महाराष्ट्र कॅरम संघटनेचे खजिनदार अजित सावंत, महाराष्ट्र कॅरम संघटनेचे सहसचिव केतन चिखले, क्लब कार्याध्यक्ष स्पोर्ट्स विवेक पै, प्रोजेक्ट कोऑर्डिनटर प्रसाद देवरुखकर व आदी मान्यवर उपस्थित होते. 

 

स्पर्धेमध्ये पुरुष गटात २६० तर महिला गटात ४० स्पर्धक सहभागी झाले आहेत. स्पर्धेमध्ये ३ विश्व विजेते आणि जवळ पास २५ आंतरराष्ट्रीय खेळाडूंनी सहभाग नोंदविला आहे. कॅरम चाहत्यांसाठी ही खऱ्या अर्थाने मेजवानीच ठरेल. स्पर्धे मधील सगळे सामने सुरको किंग लिमिटेड एडिशन बोर्डस वर खेळवण्यात येत आहेत. स्पर्धेला प्रेक्षकांचा जोरदार प्रतिसाद लाभत आहे. या स्पर्धेमध्ये आंतरराष्ट्रीय पंच परविंदर सिंग व रमेश चव्हाण प्रमुख पंच म्हणून काम पाहत आहेत.

 

 

पुरुष एकेरी पहिल्या फेरीचे काही निकाल पुढीलप्रमाणे - 

 

योगेश कोंडविलकर रत्नागिरी वि. वि. दीपक घोलम मुंबई उपनगर  २५-००, २५-००

सुपेश कामतेकर मुंबई वि. वि. शॉन डायस मुंबई उपनगर  २५-०८, २५-१५

पवन मेस्त्री मुंबई वि. वि. सुदेश वाळके मुंबई उपनगर  २५-०१,१८-२३,२५-०५

अनिल तायशेटे सिंधुदुर्ग वि. वि. राकेश शेट्ये मुंबई उपनगर  २५-०१, २५-१६

पंकज पवार ठाणे वि. वि. रवींद्र राणे पालघर  २५-०५, १९-०१

सागर वाघमारे पुणे  वि. वि. चिन्मय दांडगे रायगड  २५-००, २५-००

ओंकार राणे ठाणे वि. वि. अक्षय शिर्के मुंबई उपनगर  २५-०७, २५-१७