राज्य कॅरम स्पर्धेत सागर वाघमारे आणि काजल कुमारीला अग्रमानांकन

 

राज्य कॅरम स्पर्धेत सागर वाघमारे आणि काजल कुमारीला अग्रमानांकन

 

मुंबई: रोटरी क्लब ऑफ मुंबई पार्लेश्वर आयोजित आणि उत्कर्ष स्मॉल फायनान्स बँक पुरस्कृत ५ व्या राज्य मानांकन कॅरम स्पर्धेला २९ मार्च २०२५ रोजी विले पार्ले (पूर्व) येथील प्रबोधनकार ठाकरे क्रीडा संकुलात दिमाखदार सुरुवात होणार आहे. छत्रपती शिवाजी महाराज स्मारक समिती, जुहू यांच्या सहकार्याने होणाऱ्या या स्पर्धेत पुरुष एकेरी गटात पुण्याच्या सागर वाघमारेला, तर महिला गटात मुंबईच्या काजल कुमारीला अग्रमानांकन देण्यात आले आहे.

 

स्पर्धेचे वेळापत्रक आणि वैशिष्ट्ये:

पुरुष एकेरी गट: २९ मार्च २०२५ रोजी सकाळी ९.३० वाजता प्रारंभ

महिला एकेरी गट: ३० मार्च २०२५ रोजी दुपारी १२ वाजता सुरुवात

सामन्यांचे थेट प्रक्षेपण: महाराष्ट्र कॅरम असोसिएशनच्या यूट्यूब चॅनलवर

उप-उपांत्य फेरीपासूनचे सामने: ३१ मार्च २०२५ रोजी सकाळी ९ वाजल्यापासून

 

पुरुष गटात २६०, तर महिला गटात ४० खेळाडूंनी सहभाग नोंदवला आहे. स्पर्धेतील महत्त्वाचे सामने ऑनलाइन थेट पाहण्याची संधी कॅरमप्रेमींना उपलब्ध होणार आहे.

स्पर्धेतील मानांकन:

पुरुष एकेरी: १) सागर वाघमारे (पुणे), २) महम्मद घुफ्रान (मुंबई), ३) विकास धारिया (मुंबई), ४) संजय मांडे (मुंबई), ५) योगेश परदेशी (पुणे), ६) प्रशांत मोरे (मुंबई), ७) हरेश्वर बेतवंशी (मुंबई), ८) संदीप दिवे (मुंबई उपनगर)

 

महिला एकेरी: १) काजल कुमारी (मुंबई), २) समृद्धी घाडीगावकर (ठाणे), ३) आकांक्षा कदम (रत्नागिरी), ४) रिंकी कुमारी (मुंबई), ५) प्राजक्ता नारायणकर (मुंबई उपनगर), ६) मिताली पाठक (मुंबई), ७) केशर निर्गुण (सिंधुदुर्ग), ८) श्रुती सोनावणे (पालघर)

 

स्पर्धेतील प्रत्येक सामना अटीतटीचा होणार असून, महाराष्ट्रातील नामांकित खेळाडूंमध्ये चुरस रंगणार आहे.