३८ वी राष्ट्रीय क्रीडा स्पर्धा, प्रताप जाधव यांची स्पर्धा संचालक पदी निवड

 

३८ वी राष्ट्रीय क्रडा स्पर्धा - २०२४

प्रताप जाधव यांची स्पर्धा संचालक पदी निवड

 

उत्तराखंड येथे जानेवारी – फेब्रुवारी २०२५ मध्ये होत असलेल्या ३८ व्या राष्ट्रीय क्रीडा स्पर्धेसाठी महाराष्ट्राच्या प्रताप जाधव यांची रोड सायकलिंगसाठी स्पर्धा संचालक (Competition Director)  म्हणून नेमणूक झाली आहे. या क्रीडा स्पर्धेत सायकलिंग खेळाच्या रोड, ट्रॅक आणि एमटीबी या प्रकारासाठी स्पर्धा होणार आहेत.

 

रोड सायकलिंग प्रकारात प्रताप जाधव माजी राष्ट्रीय पदक विजेते असून सायकलिंग फेडरेशन ऑफ इंडीयामध्ये उपाध्यक्ष म्हणून कार्यरत आहेत. महाराष्ट्र ऑलिम्पिक असोसिएशनमध्ये संयुक्त सचिव म्हणून चार वर्षे जाधव यांनी कामगिरी केली आहे.

 

रुद्रपूर येथे सायकलिंग खेळाच्या रोड आणि ट्रॅक प्रकारामधील स्पर्धा होणार आहेत. महाराष्ट्र राज्याचा संघ या तीनही प्रकारात पात्र ठरला आहे. सायकलिंग खेळातील एमटीबी हा प्रकारात राष्ट्रीय क्रीडा स्पर्धेत प्रथमच होणार असून त्याचे ठिकाण लवकरच निश्चित करण्यात येईल. या राष्ट्रीय क्रीडा स्पर्धेत एकूण ३४ खेळांच्या स्पर्धा होणार आहेत.