एमसीए प्रेसिडेंट चषक क्रिकेट, नॅशनल, केएसएचे विजय

 

एमसीए प्रेसिडेंट चषक क्रिकेट

नॅशनल, केएसएचे विजय

मुंबई, 3 नोव्हेंबर: नॅशनल सीसी आणि कर्नाटक स्पोर्टिंग असोसिएशन (केएसए) संघांनी एमसीए प्रेसिडेंट चषक क्रिकेट स्पर्धेच्या (2024-2025) अ डिव्हिजनच्या उपांत्यपूर्व फेरीत आपापल्या प्रतिस्पर्ध्यांवर सहज विजय मिळवला.

 

नॅशनल सीसीने यजमान पारसी जिमखान्याचा ४४ धावांनी पराभव केला तर केएसएने एमआयजी सीसी मैदान, वांद्रे येथे क्रिकेट क्लब ऑफ इंडियावर ५२ धावांनी मात केली.

 

उपांत्यपूर्व फेरीतील अन्य लढतींमध्ये व्हिक्टरी सीसीने न्यू हिंदू सीसीला सहा विकेट राखून हरवले. एमआयजी क्रिकेट क्लबने मुंबई पोलीस जिमखान्यावर सात विकेट राखून विजय मिळवला.

 

संक्षिप्त धावफलक: नॅशनल सीसी - 20 षटकांत 6 बाद 174 (उमेश गुर्जर 58, अक्षय दरेकर 32, आदित्य श्रीवतस्तव 29; सागर छाब्रिया 3/28) वि. पारसी जिमखाना - 20 षटकांत 8 बाद 130). निकाल - नॅशनल सीसी 44 धावांनी विजयी.

 

कर्नाटक एसए - 20 षटकांत 9 बाद 176(सृजन आठवले 43, गौरीश जाधव 40, ऐश्वरी सुर्वे 36) वि. क्रिकेट क्लब ऑफ इंडिया - 20 षटकांत 9 बाद 124 (रुद्र धनडे 36; राकेश प्रभू 3/31). निकाल - केएसए 52 धावांनी विजय.

 

न्यू हिंदू सीसी -15.4 षटकांत सर्वबाद 93 (परीक्षित वलसंगकर 4/23) वि. व्हिक्टरी सीसी - 12.1 षटकांत 4 बाद 95 (सुवेद पारकर 33; जुगराज मेहता 3/10).0 निकाल - व्हिक्टरी सीसी सहा  विकेट राखून विजयी.

 

मुंबई पोलीस जिमखाना  - 20 षटकांत 6 बाद 129 (हर्ष आघाव 54; अंकुश जयस्वाल 3/13) वि. एमआयजी क्रिकेट क्लब -17.2 षटकांत 3 बाद 130(वरूण लवांडे 50, वेदांत मुरकर 30) . निकाल - एमआयजी क्रिकेट क्लब 7 विकेट राखून विजयी.