सीनियर महिला टी-ट्वेन्टी क्रिकेट स्पर्धा मुंबईचा उत्तराखंडवर 31 धावांनी विजय

 

सीनियर महिला टी-ट्वेन्टी क्रिकेट स्पर्धा

मुंबईचा उत्तराखंडवर 31 धावांनी विजय

मुंबई, 10 नोव्हेंबर: सीनियर महिला टी-ट्वेन्टी क्रिकेट स्पर्धेत मुंबईने उत्तराखंडवर 31 धावांनी विजय मिळवला.

वानखेडे स्टेडियमवर झालेल्या सामन्यात रविवारी मुंबईने प्रथम फलंदाजी करताना 20 षटकांत 6 बाद 131 धावांची मजल मारली. त्यात सिमरन शेख  (40 चेंडूंत 47 धावा) आणि हुमैरा काझीचे (40 चेंडूंत 37 धावा) सर्वाधिक योगदान राहिले. प्रतिस्पर्धी उत्तराखंडकडून मानसी जोशीने विेकेट घेतल्या.

उत्तराखंडला मुंबईचे आव्हान पेलवले नाही. त्यांना निर्धारित 20 षटकांत 5 बाद 100 धावाच करता आल्या. फातिमा जाफर (2/19), सायली सातघरेने (2/26) अचूक मारा करताना विजय आणखी सुकर केला.

संक्षिप्त धावफलक - मुंबई - 20 षटकांत 6 बाद 131(सिमरन शेख 47 (40 चेंडू), हुमैरा काझी 37 (40 चेंडू); मानसी जोशी 2/26) वि. उत्तराखंड - 20 षटकांत 5 बाद 100(मानसी जोशी 27, नीलम 22; फातिमा जाफर 2/19, सायली सातघरे 2/26). निकाल - मुंबई  31 धावांनी विजयी.