महाराष्ट्र राज्य खुली बॅडमिंटन स्पर्धा 2024 बातमीत सुधारणा: हर्षित माहिमकर आणि प्रिशा शाहला दुहेरी मुकुट

 

महाराष्ट्र राज्य खुली बॅडमिंटन स्पर्धा 2024

बातमीत सुधारणा: हर्षित माहिमकर आणि प्रिशा शाहला दुहेरी मुकुट

मुंबई, 19 नोव्हेंबर: ग्रेटर मुंबई बॅडमिंटन असोसिएशन (जीएमबीए) आणि महाराष्ट्र बॅडमिंटन असोसिएशन (एमबीए) यांच्या संयुक्त विद्यमाने आयोजित एनएससीआय-योनेक्स सनराईज महाराष्ट्र राज्य खुल्या बॅडमिंटन स्पर्धेत हर्षित माहिमकर आणि प्रिशा शाह यांनी प्रत्येकी दोन जेतेपदांवर आपले नाव कोरले.

विलिंग्डन स्पोर्ट्स क्लब कोर्टवर झालेल्या पुरुष एकेरीच्या अंतिम फेरीत बिगरमानांकित हर्षितने चौथ्या सीडेड सोहम फाटकवर 21-12, 21-7 असा विजय मिळवला. त्याआधी, 17 वर्षांखालील मुले एकेरी गटाच्या फायनलमध्ये अव्वल मानांकित तनय मेहेंदळेवर सरळ गेममध्ये 21-7, 21-13 अशी मात केली. हर्षितला या गटात दुसरे सीडिंग प्राप्त होते.

प्रिशा शाहने महिला एकेरी आणि 17 वर्षांखालील मुलींच्या एकेरी गटात विजेतेपद मिळवले. महिला गटात तिने देवांशी शिंदेला 21-18, 21-10 असे सरळ गेममध्ये पराभूत केले. 17 वर्षांखालील एकेरी गटात दुसरे सीडिंग असलेल्या प्रिशाने बिनसीडेड खुशी पाहवावर 21-16, 21-16 असा विजय मिळवला.

निकाल (सर्व अंतिम फेरी):

11 वर्षांखालील मुले एकेरी: 1- प्रिया अंबुर्ले विजयी वि. 2- समिक्षा मिश्रा 21-14, 16-21, 21-13

13 वर्षांखालील मुली एकेरी: 2- अन्विषा घोरपडे विजयी वि. इमान मोटरवाला 14-21, 21-12, 21-13

15 वर्षांखालील मुली एकेरी: खुशी पाहवा विजयी वि. 1- आर्य मेस्त्री 21-14, 18-21, 21-18

17 वर्षांखालील मुली एकेरी: 2- प्रिशा शाह विजयी वि. खुशी पाहवा 21-16, 21-16

11 वर्षांखालील मुले एकेरी: 2- अल्फी मेक्कादाथ विजयी वि. 4- अरहम भंडारी 21-11, 20-22, 21-18

13 वर्षांखालील मुले एकेरी: 2- श्लोक गोयल विजयी वि. 1- रुहान भाटिया 21-13, 21-16

15 वर्षांखालील मुले एकेरी: 1- प्रफुल्ल पटेल विजयी वि. 2- कृती पटेल 16-21, 21-15, 21-15

17 वर्षांखालील मुले एकेरी: 2- हर्षित माहिमकर विजयी वि. 1- तनय मेहेंदळे 21-7, 21-13